Се распишува јавен повик за избор на „Библиотека на годината“. Молбите со пропратната документација се доставуваат до Комисијата за доделување на наградата „Библиотека на годината“, најдоцна до 31. 10. 2016 година.

Критериуми за вреднување / проценување на совршеноста за доделување на признанието „Библиотека на годината 2016“
• Квалитет и инвентивност во работењето и активностите на библиотеката
• Насоченост кон иднината – истражување и примена на нови методи на популаризација на библиотеката и библиотечниот материјал и нивно доближување до целата популација во општината во која делува и пошироко
• Креативност и обезбедување пристап и услуги за корисниците од заедницата во која библиотеката работи: сите возрасти, лица со посебни потреби
• Достапност на Е-книги и е-услуги
• Степен на воведување на нови услуги за корисниците и библиотечното работење
• Примена програми за обука на корисниците, информациската писменост и користењето на нови ИКТ во библиотеките
• Образовна работа, културни и јавни активности на библиотеката
• Препознатлива подршка на локалната заедница кон Библиотеката
• Партнерство со субјекти од бизнис заедницата
• Соработка и вмрежување со други библиотеки (на јавни, високошколски, специјални, училишни библиотеки)
• Примена стандарди и ИКТ во библиотечното работење
• Учество во проекти (национални и меѓународни)

Им се соопштува на сите заинтересирани библиотекари кои сакаат да земат учество со свој труд во работниот дел на 42. годишно собрание на БЗМ кое ќе се одржи во првата половина од јуни, своите трудови да ги достават на e-mail Оваа е-пошта е заштитена од spambots, треба да вклучите JavaScript за да ја видите . Темата за ова годишно собрание е насловена:
БИБЛИОТЕКИТЕ КАКО МЕСТА ЗА ИСТРАЖУВАЧКИ И КРЕАТИВНИ АКТИВНОСТИ
Секој труд задолжително да има апстракт.

Овогодишен добитник на наградата „Библиотека на годината“ за 2014 година е Локалната библиотека „Гоце Делчев“ од Велес. Врачувањето на истата ќе биде на ден 05. 12. 2014 година, на свечаноста по повод патрониот празник и 70 годишниот јубилеј на Националната и универзитетска библиотека „Св. Климент Охридски“ - Скопје. Наградата ќе му биде врачена на директорот на Локалната библиотека „Гоце Делчев“ од Велес од страна на претседателот на БЗМ, Благој Николов.

Список на учесници според освоените бодови на 15. Републички натпревар „Малди библиотекари“ (287.44 kB)

На 31. 10. 2014 година, во Велес се одржа 15. по ред Републички натпревар „Млади библиотекари“, организиран од Библиотекарското здружение на Македонија и Локалната библиотека „Гоце Делчев“ од Велес. На натпреварот зедоа учество 22 напреварувачи од цела Македонија. По поставените прашања од страна на трочлената комисија во состав Пепи Ставревски, претседател и членовите Јадранка Мајсторова и Снежана Петкова, учесниците преминаа со одговарање на прашањата.
Со оглед на на тоа дека на овој натпревар, знаењето на кандидатите беше на високо ниво имаше повеќе кандидати со исти поени по завршувањето на тестот, односно два учесници со по 183 поени и три учесници со по 182 поени. За нив Комисијата спроведе писмено испитување. За првото односно второто место одговараа Емилија Илиевска и Пале Ѓорѓиева кои имаа најголем број на бодови. По поставените прашања од страна на комисијата за победник на 15. Републички натпревар „Млади библиотекари“ беше прогласена Емилија Илиевска од ОУ „Кирил и Методиј“ од Битола, на второ место беше Пале Ѓорѓиева од ОУ „Кирил и Методиј“ од Велес. Истата постапка се спроведе и за стекнување на третото место. Комисијата по поставените прашања за трето место го избра учесникот Мартин Николов од ООУ „Даме Груев“ од Свети Николе. На наградените им беа врачени дипломи и награди за освоените места.
На сите учесници на натпреварот им беа доделини благодарници и по една книга, а исто така со благодарници се стакнаа и нивните ментори.